ٹائٹانک جہاز کا ملبہ دیکھنے کے لیےسیاحوں کو لے جانیوالی آبدوز ٹائٹن بحر اوقیانوس میں دو دن سے لاپتہ

ٹائٹانک جہاز کا ملبہ دیکھنے کے لیے لوگوں کو لے جانے والی سیاحتی آبدوز ‘ٹائٹن’ اتوار کو بحر اوقیانوس میں لاپتہ ہوگئی۔ ٹائٹن آبدوز میں ایک پائلٹ اور 4 مسافر سوار تھے۔

 ان میں برطانیہ کے ارب پتی تاجر ہمیش ہارڈنگ اور پاکستان کے تاجر شہزادہ داؤد اپنے بیٹے کے ساتھ ہیں۔ آبدوز کی تلاش کے لیے امریکا اور کینیڈا سے بحری جہاز اور طیارے بھیجے گئے ہیں۔

دی گارڈین کے مطابق 18 جون کی دوپہر کو آبدوز پانی میں داخل ہونے کے 1.45 گھنٹے بعد ریڈار سے غائب ہو گئی۔ امریکی کوسٹ گارڈ کے ریئر ایڈمرل جان ماؤگر نے کہا، ‘ہم اندازہ لگا رہے ہیں کہ ہمارے پاس آبدوز کو تلاش کرنے کے لیے 70 گھنٹے سے لے کر 96 گھنٹے تک کا وقت ہے۔’ روئٹرز کے مطابق اس آبدوز میں 96 گھنٹے آکسیجن موجود ہے۔

Este submarino lleva perdido 7 horas con 5 tripulantes.

El submarino que ofrece expediciones privadas para visitar el #Titanic a 250,000 x cabeza, tiene una autonomía de aire de 96 horas

La marina US 🇺🇸 ayuda en la búsqueda pic.twitter.com/7JFEQTerfa

— borisvian1🇪🇨🇺🇦 (@shababaty) June 19, 2023

امریکی-کینیڈا کی بچاؤ ٹیم 900 میل کے علاقے میں تلاش کر رہی ہے،یہ معلوم نہیں ہوسکا کہ آبدوز ابھی پانی میں ہے یا سطح پر آگئی ہے۔ امریکی۔کینیڈین بچاؤ ٹیم نے کیپ کوڈ کے مشرق میں تقریباً 900 میل (1,450 کلومیٹر) کے فاصلے پر تلاش شروع کر دی ہے۔

 اس کے علاوہ سونار بوائے بھی پانی میں چھوڑے گئے ہیں جو 13 ہزار فٹ کی گہرائی تک نگرانی کر سکتے ہیں۔ اس کے علاوہ تجارتی جہازوں سے بھی مدد لی جا رہی ہے۔کچھ میڈیا رپورٹس کے مطابق اس آبدوز میں اوشین گیٹ کمپنی کے سی ای او اسٹاکٹن رش اور فرانسیسی پائلٹ پال ہنری نارگولیٹ بھی موجود ہیں۔

OceanGate نے کہا، "ہماری پوری توجہ آبدوز میں موجود عملے کے ارکان اور ان کے خاندانوں پر ہے،” انہوں نے مزید کہا کہ "یہ بہت سے سرکاری اداروں اور گہرے سمندر کی کمپنیوں کی جانب سے آبدوز سے رابطہ بحال کرنے کی کوششوں میں ہمیں ملنے والی وسیع امداد کے لیے تہہ دل سے شکر گزار ہے

اس واقع کو سمجھنے کے ماضی کے جھروکے میں جانا پڑئیگا۔دنیا کا سب سے بڑا بھاپ سے چلنے والا مسافر بردار جہاز ٹائی ٹینک 10 اپریل 1912 کو اپنے پہلے سفر پر نکلا جو اس کا آخری سفر بھی ثابت ہوا۔ برطانیہ کے شہر ساؤتھمپٹن ​​سے شروع ہونے والا سفر نیویارک، امریکا میں مکمل ہونا تھا۔

 چار دن بعد، 14-15 اپریل کو، یہ ایک آئس برگ سے ٹکرا کر بحر اوقیانوس میں ڈوب گیا۔ جہاز میں موجود 2,200 مسافروں اور عملے میں سے 1,500 سے زیادہ ہلاک ہو گئے۔ سمندر میں اس کا ملبہ 1985 میں دریافت ہوا تھا۔

ٹائٹینک کا ملبہ کینیڈا کے شہر نیو فاؤنڈ لینڈ میں سینٹ جانز سے 700 کلومیٹر دور بحر اوقیانوس میں پڑا ہے۔ آبدوز کا دورہ نیو فاؤنڈ لینڈ میں شروع ہوتا ہے۔ اس میں 2 گھنٹے لگتے ہیں۔ یہ ملبہ سمندر میں 3800 میٹر کی گہرائی میں ہے۔ ٹائی ٹینک جہاز 111 سال پہلے ڈوب گیا تھا۔