گجرات:  مہاویر کالج کے کیمپس میں وی ایچ پی کارکنوں کےہجوم کا تین مسلم طلباء پر وحشیانہ حملہ 

گجرات میں سورت کے بھگوان مہاویر کالج میں 3 مسلم طلباء کی پٹائی کا معاملہ سامنے آیا ہے۔ وی ایچ پی، بجرنگ دل کے کارکنوں
کے کارکنوں کے ایک ہجوم نے تین مسلم طلباء پر یہ دعویٰ کرتے ہوئے وحشیانہ حملہ کیا اور کہاکہ طلباء "لو جہاد” میں شامل ہیں۔

وشو ہندو پریشدکے کارکنوں نے کیمپس میں مارا پیٹا اور مسلم طلباء پر لو جہاد کا الزام لگایا ہے۔ طلباء کی پٹائی کا ویڈیو وائرل ہو رہا ہے۔تین منٹ طویل ویڈیو میں دیکھا گیا کہ لوگ طالب علم پرلاتوں کی بارش کر رہے ہیں جب کہ دوسرے لوگ ارد گرد کھڑے تھے۔ جیسے ہی اساتذہ نے مداخلت کی، وہ اسے گھسیٹ کر باہر لے گئے، اور مارتے رہے۔ تاہم اس معاملے میں پولیس کو کوئی شکایت نہیں کی گئی ہے۔

وی ایچ پی نے اس حملے کو شردھا والکر کے اس کے ساتھی کے بہیمانہ قتل سے جوڑا ہے اور اسے اپنے دفاع میں کی گئی کارروائی قرار دیا ہے۔

 وشو ہندو پریشد کے قومی خزانچی دنیش ناودیا کے مطابق وی ایچ پی کے کارکنوں کو اطلاع ملی تھی کہ کالج کے کئی مسلم طلباء ہندو لڑکیوں کو پھنسانے اور کچھ لڑکیوں کو بلیک میل کرنے کا منصوبہ بنا رہے ہیں۔ جس کی وجہ سے کارکنوں نے کالج میں اسٹنگ آپریشن کیا اور ملزم طلباء کی نشاندہی کی اور ان کی پٹائی کی۔

A mob of VHP workers brutally assaulted three Muslim students at the campus of Bhagwan Mahaveer College in Gujarat's Surat claiming that the students are involved in "love-jihad". pic.twitter.com/rxSSgdXbKz

— Waquar Hasan (@WaqarHasan1231) November 23, 2022

میہول نائک پی آر او، مہاویر یونیورسٹی نے کہاہے کہ ‘یہ واقعہ ہمارے کیمپس کی سڑک پر پیش آیا۔ یہ واقعہ پیر کا ہے۔ تحقیقات کے لیے کمیٹی بنا دی گئی ہے۔ اگر وہ قصوروار پایا گیا تو اس کے خلاف کارروائی کی جائے گی۔ یہ معلوم نہیں ہے کہ نوجوان کا تعلق کالج سے ہے یا نہیں۔ہمیں شکایت موصول ہوئی تھی۔ کارکنوں کو جانچ کے لیے مہاویر کالج بھیجا گیا، جہاں شکایت درست پائی گئی، جس کے بعد یہ قدم اٹھایا گیا۔