خواتین کے خلاف تشدد سے نمٹنے کے لیے ایک جامع منصوبہ تیار کرنے پر زور

منی پور وائرل ویڈیو کیس کی سماعت کے دورانسی جے آئی ڈی وائی چندرچوڑ نے حکومت سے پوچھا کہ پولیس کو زیروایف آئی آر درج کرنے میں 14 دن کیوں لگے؟ وائرل ویڈیو پر سپریم کورٹ نے سوال کیا کہ جب واقعہ 4 مئی کو ہوا تو ایف آئی آر 18 مئی کو کیوں درج کی گئی؟ 4 مئی سے 18 مئی تک پولیس کیا کرتی رہی؟ یہ واقعہ سامنے آیا کہ خواتین کی برہنہ پریڈ کی گئی اور دو کی عصمت دری کی گئی۔

پولیس کیا کر رہی تھی؟ واضح رہے کہ 19 جولائی کو سوشل میڈیا پر دو خواتین کی برہنہ پریڈ کی ویڈیو منظر عام پر آنے کے بعد اس واقعہ کی معلومات ملک اور دنیا کے سامنے آئی تھیں۔ بعد میں معلوم ہوا کہ یہ واقعہ 3 مئی کو تشدد شروع ہونے کے اگلے ہی دن 4 مئی کو پیش آیا

سپریم کورٹ نے سماعت کے دوران کہا کہ منی پور وائرل ویڈیو کیس کی تحقیقات کے لیے ایک ماہر کمیٹی بنائی جائے گی۔ جس میں ریٹائرڈ خواتین ججز ہوں گی۔ سی جے آئی نے کہاکہ حکومت اس کے لیے کوئی نام تجویز کر سکتی ہے۔

سپریم کورٹ نے پوچھا کہ منی پور میں خواتین کے خلاف تشدد کے سلسلے میں مئی سے اب تک کتنی ایف آئی آر درج کی گئی ہیں۔ اس کے ساتھ عدالت نے منی پور میں خواتین کے خلاف تشدد سے نمٹنے کے لیے ایک جامع میکانزم تیار کرنے پر زور دیا۔

سالیسٹر جنرل تشار مہتا کا کہنا ہے کہ حکومت کے پاس چھپانے کے لیے کچھ نہیں ہے۔ یہ عدالت صورتحال پر نظر رکھ سکتی ہے۔ انہوں نے مزید کہایہاں سے یا وہاں سے آنے والی کوئی بھی چیز خطرناک ہوگی۔ منی پور تشدد کیس کی سماعت کے دوران سالیسٹر جنرل تشار مہتا نے چیف جسٹس کی سربراہی والی بنچ سے کہا کہ اگر سپریم کورٹ تحقیقات کی نگرانی کرتی ہے تو حکومت ہند کو کوئی اعتراض نہیں ہے۔

ویڈیو کیس میں ایف آئی آر کو مجسٹریٹ کورٹ منتقل کرنے پر سی جے آئی برہم۔سی جے آئی ڈی وائی چندر چوڑ نے بھی منی پور ویڈیو کیس میں درج ایف آئی آر کو مجسٹریٹ کورٹ میں منتقل کرنے پر ناراضگی ظاہر کی۔ عدالت نے منی پور حکومت سے پوچھا پولیس کیا کر رہی تھی؟

 ویڈیو کیس کی ایف آئی آر 24 جون کو مجسٹریٹ کورٹ میں کیوں منتقل کی گئی؟ اس پر مرکزی حکومت کی طرف سے بتایا گیا کہ منی پور میں دو خواتین کو برہنہ کرنے سے متعلق کیس کی سماعت کو آسام منتقل کرنے کی کبھی درخواست نہیں کی گئی۔

سپریم کورٹ نے پیر کے روز منی پور تشدد پر دائر تازہ درخواست پر غور کرنے سے انکار کر دیا۔ اس عرضی میں ریاست میں ذات پات کے تشدد کے علاوہ پوست کی مبینہ کاشت اور منشیات کی دہشت گردی سمیت دیگر مسائل کی تحقیقات کے لیے خصوصی تحقیقاتی ٹیم (ایس آئی ٹی) سے درخواست کی گئی تھی۔

عدالت عظمیٰ نے کہا کہ اس پی آئی ایل پر غور کرنا بہت مشکل ہے کیونکہ اس میں صرف ایک کمیونٹی کو قصوروار ٹھہرایا گیا ہے۔

مادھوی دیوان نے میٹی کی جانب سے عرضی واپس لینے کی درخواست کی۔سینئر وکیل مادھوی دیوان نے عرضی گزار میانگلممبم بوبی میتی کی طرف سے پیش ہوکر عرضی واپس لینے کی درخواست کی جسے عدالت عظمیٰ نے قبول کرلیا۔

چیف جسٹس ڈی وائی چندر چوڑ، جسٹس جے بی پارڈی والا اور جسٹس منوج مشرا کی بنچ نے کہاکہ اس پی آئی ایل پر غور کرنا بہت مشکل ہے، کیونکہ اس میں صرف ایک کمیونٹی کو قصوروار ٹھہرایا گیا ہے۔

 بنچ نے کہاکہ آپ مزید مخصوص پٹیشن لے کر آسکتے ہیں۔ درخواست میں تشدد سے لے کر منشیات اور درختوں کی کٹائی تک کے تمام مسائل کا احاطہ کیا گیا ہے۔

مادھوی دیوان نے تشدد کے لیے سرحد پار دہشت گردی اور پوست کی کاشت کو ذمہ دار ٹھہرایا

دیوان نے منی پور میں حالیہ تشدد کے لیے سرحد پار دہشت گردی اور ریاست میں پوست کی کاشت کو ذمہ دار ٹھہرایا۔ درخواست میں ریاستی حکومت کے ساتھ ساتھ نارکوٹکس کنٹرول بیورو (این سی بی)، قومی تحقیقاتی ایجنسی (این آئی اے) اور قومی انسانی حقوق کمیشن (این ایچ آر سی) کو فریق بنایا گیا تھا۔ منی پور تشدد کے مختلف پہلوؤں سے متعلق دیگر درخواستیں بھی بنچ کے سامنے زیر التوا ہیں۔

واضح رہے کہ منی پور میں 3 مئی کو پہاڑی اضلاع میں میتی کمیونٹی کی طرف سے درج فہرست قبائل کا درجہ دینے کے مطالبے کے خلاف احتجاج کے لیے ‘قبائلی یکجہتی مارچ’ کے انعقاد کے بعد شروع ہونے والے نسلی تشدد میں 160 سے زائد افراد ہلاک ہو چکے ہیں۔