دریائے برہم پترا میں دو کشتیاں تصادم کے بعد الٹ گئیں۔کئی افراد لاپتہ

تازہ خبر قومی
زین نیوز

جورہاٹ:8؍ستمبر
(زین نیوز؍ایجنسیز)
جورہاٹ : کو آسام میں دریائے برہم پترا میں کشتی کا ایک خوفناک حادثہ پیش آیا ۔ دریائے برہم پترا میں دو کشتیوں کے تصادم کے بعد کشتیاں الٹ گئیں۔ اس میں ایک خاتون فوت ہوگئی۔دونوں کشتیوں میں تقریبا 120 مسافر سوار تھے 70 افراد ابھی تک لاپتہ ہیں۔ ان کو بچانے کی ہر ممکن کوشش کی جا رہی ہے۔ نیشنل ڈیزاسٹر مینجمنٹ فورس کے ڈی جی ستیہ این پردھان نے اس کی تصدیق کی ہے۔ دریں اثنا جورہاٹ کے ایس پی انکور جین نے بتایا کہ فی الحال لاش برآمد ہوئی ہے۔

اس سے قبل جورہاٹ کے ایڈیشنل ڈی سی دامودر برمن نے دعویٰ کیا تھا کہ حادثہ میں دونوں کشتیوں میں تقریبا 50مسافر سوار تھے۔ یہ حادثہ ضلع جورہاٹ کے نیمتی گھاٹ کے قریب پیش آیا۔ ریاستی اور قومی ڈیزاسٹر رسپانس فورس (این ڈی آر ایف) کے اہلکار لاپتہ افراد کی تلاش کر رہے ہیں۔ راحت اور بچاؤ کا کام جاری ہے۔ وزیر اعظم نریندر مودی نے حادثے پر دکھ کا اظہار کیا ہے۔

این ڈی آر ایف کے ڈپٹی کمانڈنٹ پی سریواستو نے کہا ہے کہ جورہاٹ میں کشتی حادثے کے بعد 69 افراد کو بحفاظت نکال لیا گیا۔ 50 افراد ابھی تک لاپتہ ہیں۔ ان کی تلاش جاری ہے۔ این ڈی آر ایف کے اہلکار ایس ڈی آر ایف کے اہلکاروں کے ساتھ لاپتہ افراد کی تلاش کر رہے ہیں۔

 

بتایا جا رہا ہے کہ مجولی جزیرے سے نمتی گھاٹ جانے والی کشتی کے مخالف سمت سے آنے والی ایک اور کشتی نمتی گھاٹ کے قریب زور سے ٹکرا گئی۔ کشتی تصادم کے بعد الٹ گئی۔ اس میں کئی مسافر لاپتہ ہیں۔

کشتی حادثے پر دکھ کا اظہار کرتے ہوئے وزیر اعلیٰ سرما نے مجولی اور جورہاٹ ضلعی انتظامیہ کو ہدایت کی ہے کہ این ڈی آر ایف اور ایس ڈی آر ایف کی مدد سے ریسکیو آپریشن کیا جائے۔ انہوں نے وزیر بمل بورا سے کہا ہے کہ وہ جلد سے جلد مجولی پہنچیں تاکہ صورتحال کا جائزہ لیا جا سکے۔ سرما نے اپنے پرنسپل سکریٹری سمیر سنہا کو بھی پیش رفت پر مسلسل نظر رکھنے کی ہدایت دی ہے

وزیر اعظم مودی  نے ٹویٹ کر کے اس حادثے پر دکھ کا اظہار کیا۔