مظفر نگر: چندریان 3 کی کامیابی کے ایک اور اہم کردار ،محمد اریب احمد کے گھر پر جشن کا ماحو ل

چاند کے جنوبی قطب پر کامیابی کے ساتھ اترنے والے ہندوستان کو پہلے ملک کے طور پر قائم کرنے کے چندریان 3 کے تاریخی کارنامے کے بعدسارے ملک میں جشن کا ماحول ہے ہر طرف خوشیاں منائی جارہی ہے

 چاند کی تاریخی لینڈنگ کے بعد ایک جشن کے طور پر دیکھا جا سکتا ہے وہیں اتر پردیش کے سائنسدانوں کے کردار کو بھی سراہا جا رہا ہےاس مشن کی کامیابی کا پورا سہرا ہمارے عظیم سائنسدانوں کو جاتا ہے

 جنہوں نے چندریان 3 کا کامیاب تجربہ کرنے کے لیے دن رات کام کیا۔ اتر پردیش کے مظفر نگر ضلع میں رہنے والے ایک مسلم سائنسدان اریب احمد نے بھی چندریان 3 کی کامیابی میں بہت اہم کردار ادا کیا ہے۔

کہا جاتا ہے کہ اگر آپ کچھ حاصل کرنے کے لیے سچی لگن اور سخت محنت کرتے ہیں و وہ ایک نہ ایک دن آپ کے ساتھ رہتی ہےاورکامیابی آپ کے قدم چومتی ہے ۔

مظفر نگر کے کھٹولی قصبے کے ایک نوجوان محمد اریب احمد کا نام ان دنوں علاقے میں گونج رہا ہے۔ محمد اریب کھتولی کے متوسط ​​طبقے سے تعلق رکھتے ہیں۔ محمد اریب احمداسرو کا ایک اہم حصہ ہے، وہ ادارہ جس نے ملک کو بلندیوں تک پہنچایا اور وہ سائنسدانوں کی ٹیم کا بھی ایک اہم حصہ ہے جو چندریان 3 کے کامیاب لانچ کے لیے پوری طرح وقف تھی

 جامعہ ملیہ اسلامیہ سے بی ٹیک کرنے والے اسرو کے سائنسداں جو مظفر نگر کے رہائشی ہیں محمد اریب کے گھر جشن کا ماحول دیکھا جارہا ہےچندریان 3 کی کامیاب لینڈنگ کے ساتھ ہی مظفر نگر ضلع کے قصبہ کھتولی میں جشن کا ماحول ہے۔

ہزاروں نوجوان واٹس ایپ سٹیٹس پر اریب احمد کی تصویر ڈال چکے ہیں اسرو کےسائنسدان محمد اریب احمد چندریان 3 کے لانچ سے لے کر لینڈنگ تک مشن کا حصہ رہے ہیں۔

 چندریان ۔3 کی کامیابی کے بعد محمد اریب احمدنے کہاکہ یہ ان کے لئے ایک قابل فخر لمحہ ہے۔چندریان ۔3 کی کامیابی کے لئے پوری ٹیم نے انتھک محنت کی ہے ۔اریب کے مطابق وہ سال 2021 سے اسرو میں کام کر رہے ہیںجب سے وہ اسرو میں شامل ہوئےتوچندریان -3 کی تیاریاں چل رہی تھیں۔

 میں آج اس ٹیم کا حصہ بن کر بہت خوش ہوں مشن چندریان-3 ہمیشہ میرے دل میں تھا۔اریب احمد نےبتایا کہ پوری ٹیم نے بہت محنت کی ہے۔ جس کا نتیجہ چندریان 3 کی کامیاب لانچنگ اور لینڈنگ ہے

تفصیلات کے مطابق مظفر نگر کے کھتولی قصبے کے محلہ مٹھو لال کے رہنے والے قاضی مہتاب ضیاء جو تاجرہونے کے ساتھ تبلیغی جماعت سے وابستہ ہیںکے اکلوتے بیٹےمحمد اریب احمد انڈین اسپیس ریسرچ آرگنائزیشن (اسرو) میں انجینئر سائنسدان ہیں اریب احمد نے اپنی محنت ولگن کے بل بوتے پر اسرو میں سائنسدان کا عہدہ حاصل کیا ہے۔

 قاضی مہتاب ضیاء اور مسز نازرین کے بیٹے اریب نے گولڈن ہارٹ اکیڈمی سے انٹرمیڈیٹ کی تعلیم حاصل کی۔ اس کے بعد انہوں نے جامعہ ملیہ اسلامیہ یونیورسٹی دہلی سے بی ٹیک کیا۔

 اریب احمد کے والد قاضی ضیاء کا کہنا ہے کہ انٹرمیڈیٹ کا امتحان پاس کرنے کے بعد ان کے بیٹے میں سائنسدان بننے کی خواہش تھی۔ انہوں نے بتایا کہ ان کے بھائی نے دن رات محنت کی اور اپنے خواب کی تکمیل کے لیے ہمیشہ جدوجہد کرتے رہے۔

تاہم محمد اریب چندریان 3 ٹیم میں مکینیکل اسسٹنٹ کے طور پر کام کر چکے ہیں۔ اریب کو بچپن سے ہی خلائی سائنس میں بہت دلچسپی تھی۔محمد اریب احمدنے مکینیکل انجینئرنگ کی تعلیم حاصل کی اور اس کے بعد ایک بڑی فوڈ کمپنی میں ملازمت اختیار کر لی، لیکن خلائی سائنس کے لیے اس کا شوق اسے اسرو لے گیا

  ایک بہت ہی عام خاندان سے تعلق رکھنے والے محمد اریب نے 2021 میں ISRO کا امتحان پاس کیا۔ جن کی تعیناتی سال 2021 سے سری ہری کوٹا، چنئی میں ستیش دھون خلائی ٹیسٹ سینٹر میں ہے محمد اریب احمدنے صرف 2 سال میں اسرو میں اپنی صلاحیتوں کو نکھارا ہے

اریب احمد کی والدہ گھریلو خاتون ہیں جبکہ بہن آفرین علی گڑھ مسلم یونیورسٹی میں زیر تعلیم ہیں۔ محمد اریب احمد کےوالد مہتاب ضیاء کا کہنا ہے کہ والدین اس وقت زیادہ خوش ہوتے ہیں جب بچے اپنے خواب پورے کرتے ہیں۔ ا یہ ہمارے لیے فخر کی بات ہے کہ ہمارا بیٹا اتنے بڑے مشن کا حصہ بنا۔

اریب احمد کی بہن آفرین کا کہنا ہے کہ محمد اریب بچپن سے ہی ملک کے عظیم سائنسدان اور سابق صدر ڈاکٹر اے پی جے عبدالکلام کو اپنا رول ماڈل مانتے رہے ہیں۔

 اسرو اور ناسا کے بارے میں جاننا اور اپنے گروپ میں ان کے بارے میں بات کرنا ان کا پسندیدہ مشغلہ رہا ہے۔ اریب اکثر ناسا اور اسرو کی تحقیق کے بارے میں بات کرتا تھا، وہ ہمیشہ اسرو کے سائنسدانوں کی تعریف کرتا تھا۔ آج وہ خود بھی اسی ٹیم میں شامل ہیں۔ یہ ہمارے خاندان کے لیے فخر کی بات ہے۔