تلنگانہ سکریٹریٹ میں مسجد، مندر، اور چرچ تعمیر کرکے فرقہ وارانہ ہم آہنگی کی مثال قائم کی گئی

حیدرآباد: ۔25؍اگست
(زین نیوز)

وزیر اعلیٰ تلنگانہ کے چندر شیکھر راؤ نے جمعہ کو کہا کہ ریاست نے سکریٹریٹ کمپلیکس میںمسجد، مندر، اور چرچ تعمیر کرکے فرقہ وارانہ ہم آہنگی کی مثال قائم کی ہے۔

انہوں نے یہ تبصرہ ریاستی انتظامیہ کےنئے تعمیر شدہ سکریٹریٹ کمپلیکس میں گورنر تلنگانہ ڈاکٹر تمل سائی سوندرا راجن   نے ربن کاٹ کر سکریٹریٹ کی نوتعمیر شدہ تین عبادت گاہوں کا افتتاح کرنے کے بعد کیا ۔

شیخ الجامعہ جامعہ نظامیہ مولانا مفتی خلیل احمد صاحب نے نماز جمعہ کی امامت کرائی جس کے ساتھ ہی اس مسجد میں نمازوں کی ادائیگی کا آغاز عمل میں آیا۔تقریب کا آغاز امام و خطیب شاہی مسجد باغ عامہ مولانا احسن الحمومی کی قرات کلام پاک سے ہوا۔

وزیر اعلیٰ تلنگانہ کے سی آر نے مسجد میں خطاب کرتے ہوئے کہا کہ اللہ تعالیٰ کے دربار میں بات کرتے ہوئے ڈر لگتا ہے لیکن ہمیں اللہ سے مانگنا چاہئے۔انہوں نے کہاکہ ان کی حکومت تلنگانہ میں فرقہ وارانہ ہم آہنگی اور امن کو برقرار رکھنے کی ہر ممکن کوشش کرے گی۔

نو تعمیر شدہ مسجد معتمدی کی عمارت کی خوبصورتی کی تعریف کرتے ہوئے کہا کہنہوں نے کہا کہ حضور نظام کے زمانے میں تعمیر ہونے والی پہلے والی مسجد سے بہتر مسجد بنائی گئی ہے۔

 تین عبادت گاہوں کی تعمیر نے فرقہ وارانہ ہم آہنگی کی بہترین مثال قائم کی ہے انہوں نے کہا کہ ایسا ہر جگہ ہونا چاہیے۔ "ہم نے ایک بہترین مثال قائم کی کہ کس طرح تین بھائی مل کر کام کر سکتے ہیں نماز پڑھ سکتے ہیں اور امن اور ہم آہنگی کے ساتھ رہ سکتے ہیں۔ پورا ہندوستان اس سے سیکھ لے سکتا ہے

مسجد کے افتتاح میں ریاستی وزیر داخلہ محمود علی، چیف سکریٹری شانتی کماری، کل ہند مجلس اتحاد المسلمین کے صدر اور حیدرآباد کے رکن پارلیمنٹ اسد الدین اویسی، تلنگانہ اسمبلی میں اے آئی ایم آئی ایم فلور لیڈر اکبر الدین اویسی ،ریاستی وزیر اقلیتی بہبود کپولہ ایشور،رکن اسمبلی ملا ریڈی‘ وقف بورڈ چیئرمین مسیح اللہ خان اور مذہبی قائدین نے شرکت کی۔

قبل ازیں گورنر اور کے سی آر نے مندر اور چرچ کا افتتاح کیا تھا۔ان کی آمد کے فوراً بعد انہوں نے نالہ پوچما مندر میں رسومات میں حصہ لیا۔

نئے تعمیر شدہ کمپلیکس کے افتتاح کے بعد گورنر کا سکریٹریٹ کا یہ پہلا دورہ تھا۔ گورنر اور وزیر اعلیٰ نے چرچ کا افتتاح کرنے کے لیے کیک بھی کاٹا۔افتتاحی تقریب میں ریاستی وزراء اور اعلیٰ حکام نے شرکت کی۔

2021 میں سیکرٹریٹ کی پرانی عمارتوں کے انہدام کے دوران مسجد اور ایک مندر کو مسمار کر دیا گیا تھا۔کے سی آر نے اس واقعہ پر افسوس کا اظہار کیا تھا۔

انہوں نے دعویٰ کیا تھا کہ عبادت گاہوں پر ملبہ گرنے سے ان کو نقصان پہنچا ہے اور مزید کشادہ جگہوں پر اور سرکاری خرچ پر عبادت گاہوں کو دوبارہ تعمیر کرنے کا وعدہ کیا تھا۔

مسیحی رہنماؤں نے وزیر اعلیٰ کو بتایا کہ چرچ کی خدمات پرانے سیکریٹریٹ میں ہوتی تھیں۔5 ستمبر 2021 کو کے سی آر نے اعلان کیا کہ حکومت نئے سکریٹریٹ کمپلیکس میں ایک چرچ کے ساتھ مساجد اور ایک مندر کی تعمیر نو کرے گی۔

گزشتہ ماہ انہوں نے اعلان کیا تھا کہ انہوں نے یہ فیصلہ اپنی حکومت کی تمام مذاہب کی برابری کی پالیسی اور آئین میں درج سیکولر روح کی عکاسی کرتے ہوئے کیا ہے۔

کے سی آر نے کہا کہ اس اقدام سے تلنگانہ کی ‘گنگا جمنی تہذیب کو مزید فروغ ملے گا یا مسجد کی دوبارہ تعمیر کے لیے فرقہ وارانہ ہم آہنگی کا سنگ بنیاد 25 نومبر 2021 کو رکھا گیا تھاحکومت نے مسجد کے لیے 1500 گز مختص کیے تھے، جس پر 2.9 کروڑ روپے کی لاگت کا تخمینہ لگایا گیا ہے۔