وزیر اعظم مودی نےجاپان کے ہیروشیما میں گاندھی جی کے مجسمے کی نقاب کشائی انجام دی

"پی ایم مودی نے مزید کہاکہ یہ جاننا میرے لیے بہت بڑا لمحہ ہے کہ میں نے جاپانی وزیر اعظم کو جو بودھی درخت تحفے میں دیا تھا وہ یہاں ہیروشیما میں لگایا گیا ہے تاکہ لوگ یہاں آکر امن کی اہمیت کو سمجھ سکیں۔ میں مہاتما گاندھی کو خراج عقیدت پیش کرتا ہوں”۔

رونمائی کی تقریب کے دوران موجود معززین میں وزیر اعظم کے مشیر خاص نکاتانی جین، ہیروشیما شہر کے میئر کاسومی متسوئی؛ ہیروشیما سٹی اسمبلی کے اسپیکر جناب تتسونوری موتانی، ہیروشیما کے اراکین پارلیمنٹ اور جاپان میں مہاتما گاندھی کے پیروکار شامل تھے۔

وزیراعظم نریندر مودی نے ہیروشیما میں جاری جی 7 میٹنگ میں بطور مہمان شرکت کی۔ G7 دنیا کے سات ترقی یافتہ اور امیر ممالک کا گروپ ہے۔ جس میں کینیڈا، فرانس، جرمنی، اٹلی، جاپان، برطانیہ اور امریکہ شامل ہیں۔ اسے گروپ آف سیون بھی کہا جاتا ہے۔ یہاں سے وزیر اعظم پاپوا نیو گنی اور آسٹریلیا کا دورہ کریں گے۔

یوکرین کے صدر ولادیمیر زیلنسکی نے جاپان کے شہر ہیروشیما میں جاری G7 سربراہی اجلاس کے دوران وزیر اعظم نریندر مودی سے ملاقات کی۔ روس یوکرین جنگ کے آغاز کے بعد دونوں رہنماؤں کے درمیان یہ پہلی ملاقات تھی۔ حالانکہ مودی اور زیلنسکی نے 15 ماہ سے جاری جنگ کے دوران فون پر بات کی ہے۔

دونوں رہنماؤں کے درمیان ہیروشیما میں بھی بات چیت ہوئی۔ اس دوران قومی سلامتی کے مشیر (این ایس اے) اجیت ڈوول موجود تھے۔ معلومات کے مطابق وزیر اعظم مودی نے زیلنسکی سے کہا کہ یوکرین جنگ معیشت اور سیاست کا نہیں بلکہ انسانیت کا مسئلہ ہے۔ ہندوستان اس جنگ کے خاتمے کے لیے ہر قدم اٹھانے کے لیے تیار ہے۔