کھلی جیپ میں جنگل سفاری  کے دوران گینڈے نے جیپ کا پیچھا کیا

تازہ خبر قومی وائرل خبریں
زین نیوز
جیپ میں سوار سیاح گھبراکر چیخ وپکار کرنے لگے، ویڈیو وائرل
نئی دہلی:۔3؍جنوری
(انٹرنیٹ ڈیسک)
سوشل میڈیا ایک ایسا پلٹ فارم ہے جہاں ہر روز ایک نئی ویڈیو عوام کو اپنی طرف متوجہ کرلتی ہے چاہے مزاحیہ ہو‘ حادثاتی ہو‘ یا پھر کوئی اور موضوع سے تعلق رکھتی ہو ‘
 گزشتہ دو دنو ں سے ایک ویڈیو تیزی وائرل ہورہی ہے ۔سوشل میڈیا پر 45 سیکنڈ کی ایسی ہی ایک ویڈیو ٹوئٹر پر وائرل ہو رہی ہے، جسے دیکھ کر لوگوں کے ہوش اڑ گئے۔
کئی بار کچھ ایسی ویڈیوز سوشل میڈیا پر وائرل ہو جاتی ہیں جو ہمیں اور آپ سوچنے پر مجبور کر دیتی ہیں کہ جو دیکھا جا رہا ہے وہ سچ ہے یا نہیں۔ ایسی ہی ایک ویڈیو ان دنوں سوشل میڈیا پر بہت وائرل ہو رہی ہے،

 اس ویڈیو میں دیکھا جا سکتا ہے کہ کچھ لوگ کھلی جیپ میں جنگل سفاری کر رہے تھے کہ ایک گینڈا ان کی جیپ کے پیچھے بھاگنے لگا۔
 ڈرائیور جیپ چلانا شروع کر دیتا ہے۔ جب کہ جیپ میں بیٹھے سیاح چیخنے لگتے ہیں۔ ایک عورت اس قدر خوفزدہ ہو جاتی ہے کہ وہ ڈرائیور سے چلاتی ہے کہ گاڑی تیز چلاو… اگر ڈرائیور سمجھداری سے کام نہ لیتا تو کچھ ناخوشگوار واقع ہو سکتا تھا۔
 یہ ویڈیو 31 دسمبر کو @bhn_news ہینڈل کے ذریعے ٹوئٹر پر پوسٹ کیا گیا تھا۔ یہ ویڈیو آسام کے ‘ماناس نیشنل پارک’ کی ہے جہاں غصے میں دوڑتے ہوئے ایک گینڈے نے سیاحوں کی جیپ کا پیچھا کرنا شروع کر دیا۔

واضح رہے کہ یونیسکو نے ‘ماناس نیشنل پارک’ کو عالمی ثقافتی ورثہ قرار دیا ہے، جو جنگلی ہاتھی بھینسوں اور گینڈوں کے لیے بہت مشہور ہے۔
اس کے علاوہ ایک اور ویڈیو ہے جو اس وقت سوشل میڈیا پر وائرل ہو رہی ہے۔
یہ ویڈیو انڈین فاریسٹ سروس (IFS) افسر پروین کاسوان نے پوسٹ کیا ہے۔ اس ویڈیو میں یہ بھی دیکھا جا سکتا ہے کہ ایک گینڈا جیپ کا پیچھا کرتا ہوا نظر آ رہا ہے۔ انہوں نے بتایا کہ یہ واقعہ کازرنگا نیشنل پارک کا ہے۔ یہ پارک آسام میں بھی واقع ہے۔